തിരു: പെട്രോള്‍വില വര്‍ധിപ്പിച്ചതില്‍ ശക്തമായി പ്രതിഷേധിക്കാന്‍ ഡിവൈഎഫ്ഐ ആഹ്വാനംചെയ്തു. പെട്രോളിന് അഞ്ചുരൂപ വര്‍ധിപ്പിക്കാനുള്ള തീരുമാനം ജനങ്ങളോടുള്ള യുദ്ധപ്രഖ്യാപനമാണെന്ന് ഡിവൈഎഫ്ഐ സംസ്ഥാന സെക്രട്ടറി ടി വി രാജേഷ് പറഞ്ഞു. കോണ്‍ഗ്രസിന്റെ കോര്‍പറേറ്റ് പ്രീണനനയം രാജ്യത്തെ അരാജകത്വത്തിലേക്ക് നയിക്കും. എണ്ണക്കമ്പനി മുതലാളിമാരുടെ കീശനിറയ്ക്കാന്‍ രാജ്യത്തെ ബഹുഭൂരിപക്ഷം ജനങ്ങളെയും ദുരിതക്കയത്തിലേക്ക് വലിച്ചെറിയുകയാണ് കേന്ദ്രസര്‍ക്കാര്‍ . ജനങ്ങള്‍ വിലക്കയറ്റംമൂലമുണ്ടായ വറുതിയില്‍ ശ്വാസംമുട്ടുമ്പോള്‍ കോര്‍പറേറ്റ് തമ്പുരാക്കാന്മാരുടെ അടിമകളെപ്പോലെ പെരുമാറുന്ന കോണ്‍ഗ്രസ് ഭരണാധികാരികള്‍ നാടിന് അപമാനമാണെന്നും ടി വി രാജേഷ് പ്രസ്താവനയില്‍ പറഞ്ഞു.
No comments:
Post a Comment